🌷 બધું ઓનલાઇન થઈ જશે તો માનવતાનો સ્પર્શ કેમ થશે??🌷

             🌷પ્રેરણા ના વિચારો 🌷

"માનવતા" આ એક એવો ટોપિક છે,જેના વિશે જેટલું લખો એટલું ઓછું છે...આ સમયમાં કોરોના આવ્યો એટલે આપણે માનવતા શબ્દ થી ખૂબ જ નજીવી રીતે પરિચિત થયા.

           આજનો આપણો રસપ્રદ મુદ્દો એ છે કે જો બધું જ ઓનલાઇન થઈ જશે તો આપણે "માનવતાના સ્પર્શ" નો અનુભવ કરી શકસુ નહિ...

"માનવતા ના સ્પર્શ" ને સારી અને યોગ્ય રીતે સમજાવતી એક ધટના ને આપણે જાણીએ.

__________________________________________              એક યુવાન એના પિતા ની સાથે બેંક માં ગયો,

યુવાનના પિતાને થોડી રકમ ક્યાંક ટ્રાન્સફર કરવાની હતી,આ રકમ ટ્રાન્સફર કરવામાં થોડો વધારે સમય લાગ્યો એટલે પેલો યુવાન અકળાયો અને એના પિતાને કહ્યું કે "તમે ઇન્ટરનેટ બેન્કિંગ સુવિધા નો ઉપયોગ કેમ નથી કરતા...આ રીતે નાની રકમ ના ટ્રાન્સફર માટે તમારે બેંક માં આવીને તમારો સમય ખર્ચવો પડે,આ ખૂબ જ ખોટું છે.

એના પિતાએ સામે પૂછ્યું : "બેટા,મારે ઈન્ટરનેટ બેન્કિંગ શા માટે શરૂ કરવું જોઈએ??"

યુવાને ખૂબ જ ઉત્સાહિત થઈ જવાબ આપ્યો:"ઈન્ટરનેટ બેન્કિંગ શરૂ કર્યા પછી તમારે મની ટ્રાન્સફર જેવી વસ્તુઓ માટે બેંકમાં નહિ આવવું પડે અને તમારી જરૂરિયાત ની વસ્તુઓ તમે ઓનલાઇન ખરીદી શકસો.બધું ખૂબ જ સરળ થઈ જશે...!!

પિતાએ સામે પૂછ્યું : "આ સુવિધા શરૂ કર્યા પછી મારે ઘરની  બહાર નહિ નીકળવું પડે એમને..!!

યુવાને કહ્યું : " હા ક્યાંય જવાની જરૂર નથી તમે બધું ઘરબેઠા જ કરી શકસો....

આ બધું ઓનલાઇન એ વાત સાંભળીને યુવાનના પિતાજીએ એને એના જીવનમાં બનેલી એક ઘટના કહી:

"એકવાર હું મારા સ્કૂટર પર ઘરનો સામાન લેવા માટે બહાર જતો હતો,ત્યાં સામે એક કૂતરું આવવાના કારણે મેં સ્કૂટર ને જોરથી બ્રેક મારી અને હું સ્કૂટર પરથી નીચે પડી ગયો,રસ્તા પર બધા માણસો ભેગા થઈ ગયા..

ત્યાં એક કરિયાણા ની દુકાનવાળા ભાઈ દોડીને મારી પાસે પહોંચ્યા અને મને નાની મોટી ઈજાઓ થઈ હતી એ માટે મને હોસ્પિટલ લઈ ગયા,અને સારવાર કરાવીને મને ધરે મૂકી ગયા,કારણકે એ મને ઓળખતા હતા અને આપણા ધરનું સરનામું પણ જાણતા હતા સોસાયટીની શેરી આગળ આવેલી દવાની દુકાનમાંથી દવા લઈને એને ઘરે પહોંચાડી,અને મને આશ્વાસન આપ્યું અને કહ્યું કે કંઈ કામકાજ હોય તો જણાવજો."

આ આત્મીયતા ક્યાંથી મળે???

જો બધું ઓનલાઇન થઈ જશે તો માનવતાનો સ્પર્શ ક્યાંથી મળે....!!!!

એટલે કહેવાનો અર્થ એ કે આપણે ફક્ત એવું જ ઈચ્છીએ છીએ કે બધું ઘરબેઠા આપણને મળી જાય...અને આપણે ફક્ત મોબાઈલ ફોન અને ઈન્ટરનેટ સાથે જ વ્યવહાર કરીએ...??? આપણા આજુબાજુમાં વસ્તુ વહેચનારા લોકો ખરીદી ની સાથે સાથે માનવતાનો સ્પર્શ પણ આપે છે...જેની આજના સમયમાં ખૂબ જ જરૂર છે...!!!

શું ઓનલાઇન પ્લેટફોર્મ આવી માનવતાના સ્પર્શ ની સુવિધા આપી શકસે....!!!!

યાદ રાખો...કે માત્ર ટેકનોલોજી જ જીવન નથી...એજ આપણો સાથી નથી...

આજુબાજુના લોકો સાથે સમય પસાર કરો...!!માત્ર ઉપકરણો સાથે જ નહિ...

આજના સમયમાં સમૂહ સંચાર ના પરંપરાગત માધ્યમો વિસરાતા જાય છે..! આ બાબત ખૂબ જ ગંભીર છે,જ્યાં જોઈએ ત્યાં નાના બાળકો થી માંડીને તમામ ઉંમરના મોટાભાગના લોકો કોઇપણ સ્થળે નીચું મોઢું રાખીને મોબાઈલ માં જોતા જ જોવા મળે છે...નાની નાની વાત માં ચીડિયાપણું,ગુસ્સો,વારંવાર ભૂલી જવું આ બધું આદત બની ગઈ છે.

માનવી સામાજિક પ્રાણી છે,સમાજ,કુટુંબ ના હૂંફ ની વ્યક્તિ ને ખૂબ જ જરૂર હોય છે,પણ આજના સમય માં બાળક ને સીધું જ પારણાં માં હોય ત્યાંથી ટેકનોલોજી સાથે જોડી દેવામાં આવે છે..આ ખરા અર્થ માં વ્યાજબી નથી..બાળક ના ઉછેર માં માનવતા નો સ્પર્શ જરૂરી છે,બાળકને સંસ્કૃતિ તેમજ જિંદગી ના નીતિશાસ્ત્ર થી પણ પરિચિત કરવાની જવાબદારી કુટુંબ ની છે.

એટલે જ માનવતા ના સ્પર્શ ને જીવિત રાખવા,તેમજ આજના સમય ની મુખ્ય સમસ્યા કે બાળકો ને યુવાન થતાં સફળતા મળતા એને પોતાના માતા પિતા ના વિચારો પસંદ પડતા નથી, આનું મુખ્ય કારણ એ બાળકને માનવતા ના સ્પર્શ નો અભાવ છે.

કદાચ આજના સમય માં લોકો સાથે સામાજિક સબંધો ને પુનઃજીવિત કરવાની ખાસ જરૂર છે.

આવી નાની નાની બાબતો ને નિરીક્ષણ કરીને ધ્યાન આપીને જિંદગી માં આગળ વધીએ એટલે જિંદગી જીવવાની કઈક અલગ જ મજા આવે છે.

   🌷સતના સથવારે ગુંજેલા પગલાંને ફરી ગુંજતા કરવાની અપેક્ષા સાથે પ્રેરણા જે.કાનાણી ના જય હિંદ...